રાજ્યમાં વરસાદી માહોલ જામ્યો છે. ત્યારે નવસારી જિલ્લામાં ધોધમાર વરસાદ ખાબક્યો છે. તેમજ ઉપરવાસમાં ભારે વરસાદના કારણે વાંસદાના જુજ ડેમમાં નવા નીરની આવક થઈ છે. જુજ ડેમમાં નવા નીર આવતા ડેમ ઓવરફ્લો થયો છે. વાંસદાનો જુજ ડેમ ઓવરફ્લો થતા ત્રણ તાલુકાના 25 ગામોને એલર્ટ કરવામાં આવ્યા છે.
ચીખલી, વાંસદા અને ગણદેવીના 25 ગામ એલર્ટ કરાયા
ચીખલી, વાંસદા અને ગણદેવી તાલુકાના 25 ગામોને એલર્ટ કરવામાં આવ્યા છે. જેમાં વાંસદા તાલુકાના 13 ગામ અને ચીખલી તાલુકાના 6 ગામને એલર્ટ કરવામાં આવ્યા છે. તો ગણદેવી તાલુકાના 5 ગામોને સાવચેત રહેવા સૂચના આપવામાં આવી છે. કાવેરી નદીમાં નવા નીર આવતા નદી બે કાંઠે વહેતી થઈ છે. જેના પગલે કાવેરી નદીના આસપાસ અને કાંઠે ન જવા માટે પણ સૂચના આપવામાં આવી છે.
જુજ ડેમના અહલાદક દ્રશ્યો આવ્યા સામે
નવસારીના વાંસદામાં આવેલ જુજ ડેમ ઓવરફ્લો થયો છે. ત્યારે જુજ ડેમના અહલાદક દ્રશ્યો જોવા મળી રહ્યા છે. રાજ્યમાં અવરિત વરસાદના કારણે અનેક ડેમો ઓવરફ્લો થઈ રહ્યા છે. તેમજ જળાશયોમાં નવા નીરની આવક થઈ છે. નદીઓ બે કાંઠે વહેતી થઈ છે.
