નડિયાદના સાથ બજારમાં એરગનથી ફાયરિંગ કરી લૂંટનો પ્રયાસ થયો હોવાની વાત સામે આવી છે જેમાં લૂંટના પ્રયાસના CCTV ફૂટેજ સામે આવ્યા છે,બે લૂંટારુઓએ મોડી સાંજે જ્વેલર્સને લૂંટવાનો પ્રયાસ કર્યો હતો પરંતુ વેપારી બચી ગયો હતો,તો આરોપીઓએ એરગનથી હવામાં ફાયરિંગ કર્યુ હતુ,ધમધમતા માર્કેટમાં દુકાન બંધ કરતી વખતે આ ઘટના બનતા બજારમાં દોડધામ મચી હતી.
પૂર્ણાંક સાલુકે નામના વેપારીને લૂંટવાનો કર્યો પ્રયાસ
સમગ્ર ઘટનાને લઈ વાત કરીએ તો પૂર્ણાક સાલુકે નામનો વેપારી દુકાન બંધ કરીને ઘર તરફ જઈ રહ્યો હતો તે દરમિયાન વેપારી પાસે રોકડ ભરેલો થેલો હતો અને આરોપીઓ ત્યાં આવે છે અને થેલો હાથમાંથી ઝૂંટવી લેવાનો પ્રયાસ કરે છે ત્યારે વેપારી બુમાબુમ કરતા થેલો લઈને આરોપીઓ ભાગી શકતા નથી પરંતુ તેના બદલમાં એરગનથી હવામાં ફાયરિંગ કરતા દોડધામ મચી હતી સમગ્ર ઘટનાની જાણ થતાની સાથે જ પોલીસનો કાફલો ઘટના સ્થળે પહોંચ્યો હતો અને વધુ તપાસ હાથધરી હતી.
પોલીસે આરોપીઓને શોધવા તપાસ કરી શરૂ
એક શખ્સે એરગનથી હવામાં ફાયરિંગ કર્યું અને રૂપિયા ભરેલી બેગની માગણી કરી. વેપારીએ બેગ આપવાની ના પાડી અને બુમાબુમ કરવા લાગ્યા. આથી લૂંટારુઓ ત્યાં ઊભેલી મોટરસાયકલ પર બેસીને ભાગી ગયા. નડિયાદ ટાઉન પોલીસે આ મામલે ગુનો નોંધી તપાસ શરૂ કરી છે. પોલીસે સીસીટીવી ફૂટેજ મેળવીને આરોપીઓની શોધખોળ શરૂ કરી છે.સોની બજારમાં સુરજ ટચ નામની દુકાન ધરાવતા પૂર્ણાંક સાલુકે દુકાન બંધ કરીને 40 હજાર રૂપિયા રોકડા સાથે ઘરે જઈ રહ્યા હતા.
