Mumbai Samachar 2 January 2025 Live News In Gujarati: મુંબઈ મેટ્રોપોલિટન ડેવલપમેન્ટ ઓથોરિટી દ્વારા થાણેમાં ઘોડબંદર માર્ગની સમાંતર બાંધવામાં આવતા ખાદી કિનારા માર્ગ માટે આપવામાં આવેલા રૂ. 2,700 કરોડના કોન્ટ્રાક્ટ પર પ્રશ્નાર્થ ચિહ્ન ઊભું થયું છે. વિધાનસભા ચૂંટણી આ કોન્ટ્રાક્ટ આપવામાં આવતા વિવાદ થયો છે.
એવી બાબત સામે આવી છે કે, જંગલોનો વિનાશ, દરિયાકાંઠાના કડક નિયમન કાયદા, નૌકાદળના સ્થળોના નિર્માણ અને તમામ જરૂરી મંજૂરીઓ મેળવવામાં આવે તે પહેલાં સંરક્ષણ વિભાગના વાંધાઓને નજર અંદાજ કરી આ કોન્ટ્રાક્ટ આપવામાં આવ્યો હતો. આ કામ મેસર્સ નવયુગ એન્જિનિયરિંગ કંપનીને આપવામાં આવ્યું છે, જે ચૂંટણી બોન્ડ ખરીદવાના મામલે ચર્ચામાં હતી. આચારસંહિતા લાગુ થયા પહેલા ઉતાવળે કોન્ટ્રાક્ટ આપવામાં આવ્યો હોવાનું કહેવાય છે.
મુંબઇમાં હવા પ્રદૂષણ યથાવત, ધુમ્મસ વાળું વાતાવરણ
મુંબઇમાં છેલ્લા 2 – 3 દિવસથી હવા પ્રદૂષણ યથાવત છે. ગુરુવારે પણ સવારે મુંબઇ શહેરના ઘણા વિસ્તારોમાં એર ક્વોલિટી ઇન્ડેક્સ ઘટ્યું છે અને ધુમ્મસ વાળું વાતાવરણ છે.
