રિક્ષા ભાડાના નિયત દર (3 પેસેન્જર માટે સંયુક્ત)

• એસ.ટી. ડેપોથી ભવનાથ: રૂ.77
• રેલવે સ્ટેશનથી: રૂ.85
• મજેવડી દરવાજાથી: રૂ.71
• કાળવા ચોકથી: રૂ.67
• દિવાન ચોકથી: રૂ.59
• ઉપરકોટ અને નીચલા દાતારથી: રૂ.61
• સક્કરબાગથી: રૂ.83
• રામનિવાસથી: રૂ.85
• મોતીબાગથી: રૂ.91
• મધુરમ-ટીંબાવાડીથી: રૂ.136

એસ.ટી. બસ સેવામાં વધારો

ગુજરાત રાજય માર્ગ વાહન વ્યવહાર નિગમ જૂનાગઢ વિભાગ ધ્વારા મહાશિવરાત્રી મેળા-૨૦૨૫ ના એકસ્ટ્રા સંચાલન બુથનું ઉદ્ઘાટન તા.22 ફેબ્રુઆરીના રોજ  એસ.ટી. બસ સ્ટેશન ખાતે કરાશે. આ પ્રસંગે જૂનાગઢ એસ.ટી. નિગમના વિભાગીય નિયામક એમ.બી.રાવલ, વિભાગીય પરિવહન અધિકારી એચ.એન.ખાંભલા જૂનાગઢ ડેપોના ડેપો મેનેજર શ્રીવી.એમ.મકવાણા તથા વિવિધ અગ્રણીઓ અને અધિકારીઓ ઉપસ્થિત રહેશે.

કુલ 210 બસો દ્વારા સંચાલન હાથ ધરાશે

બસ સ્ટેશનથી ભવનાથ તળેટી સુધી 70 મિની બસનું સંચાલન કરવામાં આવ્યું છે. જેમાં માત્ર રૂ.25નું કિફાયતી ભાડું ચુકવી મુસાફરી કરી શકશો. મેળા દરમ્યાન અમદાવાદ, ભુજ, રાજકોટ, મોરબી, જામનગર, દ્વારકા, ખંભાળીયા, જામજોધપુર, પોરબંદર, સોમનાથ, ઉના, મહુવા, ભાવનગર, અમરેલી વગેરે મુખ્ય શહેરો તેમજ મહત્વના ધાર્મિક સ્થળોનું પણ એકસ્ટ્રા સંચાલન આ વિભાગની 180 મોટી બસો મુકાશે. તેમજ રાજકોટ, જામનગર, અમરેલી તેમજ ભાવનગર વિભાગની 30 બસો આમ, કુલ 210 બસો દ્વારા સંચાલન હાથ ધરવામાં આવનાર છે. મહત્વનું છે કે, યાત્રાળુઓની સુવિધા માટે વધારે બસોનું આયોજન કરાયું છે. જેથી મહાશિવરાત્રીના મેળામાં આવતા શ્રદ્ધાળુઓએ બસનો લાભ લેવા વિભાગીય નિયામક એસટી જૂનાગઢ દ્વારા યાત્રિકોને અનુરોધ કરાયો હતો. આ સિવાય યાત્રાળુઓને આ નિયત દરોથી વધુ ભાડું ન ચૂકવવા અને કોઈપણ પ્રકારની અનિયમિતતા જણાય તો સંબંધિત અધિકારીઓને જાણ કરવા અપીલ કરવામાં આવી છે.