કાલોલ તાલુકા કૃષિ વિભાગ દ્વારા આયોજીત ભારત સરકારના કૃષિ અને ખેડૂત કલ્યાણ માટેના માર્ગદર્શક એવા છ સપ્તાહની કિસાન ખેત પાઠશાળા આથમણા ગામમાં યોજાઈ હતી. છ સપ્તાહના આ કાર્યક્રમમાં મોટી સંખ્યામાં ખેડૂતોએ ભાગ લીધો હતો.
ભારત સરકારના કૃષિ અને ખેડૂત કલ્યાણ માટે માર્ગદર્શક યોજના હેઠળ તીડ-કમ-સંકલિત જીવાત વ્યવસ્થાપન કેન્દ્ર, વડોદરા દ્વારા ગ્રામીણ ખેડૂતો, મહિલા ખેડૂતો અને કૃષિ વિભાગના કર્મચારીઓ સાથે કાલોલ તાલુકાના આથમણા ગામમાં કિસાન ખેત શાળા યોજાઈ હતી. છ અઠવાડિયાનો તાલીમ કાર્યક્રમ તા.12 માર્ચના રોજ કિસાન ખેત દિવસ તરીકે પૂર્ણ કરાયો હતો. આ કાર્યક્રમમાં સહાયક વનસ્પતિ સંરક્ષણ અધિકારી ડૉ. બાબુરાવ ઠોમ્બેરે, મદદનીશ વનસ્પતિ સંરક્ષણ અધિકારી એમ.એ મન્સૂરી અને સહાયક વનસ્પતિ સંરક્ષણ અધિકારી ડૉ. હલગપ્પાએ વિવિધ વિષયો પર માહિતી આપી હતી. કાર્યક્રમમાં ખેડૂતોને સાંસ્કૃતિક જીવાત વ્યવસ્થાપન, યાંત્રિક, ભૌતિક જીવાત વ્યવસ્થાપન, જૈવિક નિયંત્રણ અને રાસાયણિક જીવાત વ્યવસ્થાપન જેવી સંકલિત જીવાત વ્યવસ્થાપનની વિવિધ પદ્ધતિઓ પર તાલીમ અપાઈ હતી. આ સમગ્ર કાર્યક્રમને સફ્ળ બનાવવા માટે કાલોલ કૃષિ વિભાગના ગ્રામ સેવકો અને અગ્રણી ખેડૂતોએ સુચારુ આયોજન કર્યું હતું.
