સમસ્ત પાટીદાર સમાજનું પ્રથમ સંમેલન ડભોઇ પટેલ વાડી ખાતે યોજાયું હતું. જે સંમેલન કલ્પેશભાઈ હસમુખભાઈ પટેલ જીયા તલાવડીવાળાના અધ્યક્ષ સ્થાને યોજાયું હતું. કાર્યક્રમને દીપ પ્રગટાવી અને જય સરદારના નાર સાથે કાર્યક્રમને શરૂ કરાયો હતો. સમાજમાં બેરોજગારો, શિક્ષણ, ખેતી વીજળી રાજકીય તેમજ સમાજમાં એકતા અને સંગઠન બાબતે જાગૃતિ લાવવા માટે સંમેલન યોજાયું હતું.
ડભોઇ પટેલ વાડી ખાતે પ્રથમ સંમેલનમા પાટીદાર સમાજમાં જાગૃતિ લાવવા માટે જય પાટીદાર જય સરદારના નારા સાથે વિવિધ મહાનુભવોએ વક્તવ્ય આપ્યા હતા જેમાં શિક્ષણ પ્રત્યે જાગૃતિ લાવવા તેમજ વિકાસ અને પ્રગતિ માટે સમાજલક્ષી પ્રગતિની દિશાઓ અંગે પ્રેરણા અપાઇ હતી. કરજણના માજી ધારાસભ્ય અને વડોદરા જિલ્લા ભાજપ સમિતિના પ્રમુખ સતિષ નિશાળીયા માજી ધારાસભ્ય બાલકૃષ્ણ પટેલ જયેશ પટેલ માવલી વાલા દિલીપ પટેલ APMCના વાઇસ ચેરમેન ડોક્ટર મહેન્દ્ર પટેલ શિનોર APMC ચેરમેન સચીન પટેલ વિરલ પટેલ દર્શન પટેલ આગેવાનો તેમજ કાર્યક્રમને સફ્ળ બનાવનાર મેહુલ પટેલ દીક્ષિત પટેલ ભાવેશ પટેલ અને ધવલ પટેલ તથા વડોદરા જિલ્લા મંડળના તમામ પ્રમુખો સમાજના આગેવાનો તેમજ વડીલો મોટી સંખ્યામાં ઉપસ્થિત રહ્યા હતા.
