શિયાળો આવે એટલે ખાવાની મજા પડી જાય. કારણ કે તમામ લીલોતરી, શાકભાજી બધુ જ સરળતાથી મળી રહે. પરંતુ સ્કિનને લઇને સમસ્યાઓ ઉભી થઇ જાય છે. જેમકે ઠંડીને કારણે સ્કિન ડ્રાય થઇ જવી. આના કારણે હોઠ ફાટી જાય છે. વાઢિયા પડે છે. હેર ફોલ વધારે થાય છે. ત્યારે જો તમે હોઠ ફાટવાથી પરેશાન હોવ તો તમને એક વાત આજે જણાવીશું કે હોઠ ફાટવાનું કારણ ઠંડી નહી પણ તમારા શરીરમાં વિટામિન્સ અને પાણીની ઉણપ છે.
આયર્ન, ઝિંક અને વિટામિન્સ આપણા શરીરને સંતુલિત રાખવામાં મહત્વની ભૂમિકા ભજવે છે. આવી સ્થિતિમાં કોઈપણ પોષક તત્વોની ઉણપ ત્વચા અને હોઠની સમસ્યાઓ વધારી શકે છે. ત્યારે આવો જાણીએ કયા પોષક તત્વોની કમીથી હોઠ ફાટે છે.
વિટામિન બી
તમને જાણીને નવાઈ લાગશે કે આપણા હોઠ ફાટવા એ શરીરમાં વિટામિન બીની ઉણપનો સંકેત છે. રિપોર્ટ્સ અનુસાર હોઠની ત્વચા શરીરની ત્વચા કરતા થોડી પાતળી હોય છે. આપણા શરીરમાં પોષક તત્વોના અભાવની સીધી અસર હોઠ અને ત્વચા પર જોવા મળે છે. નિષ્ણાતો કહે છે કે વિટામિન બી કોષની કામગીરી અને ઊર્જા ઉત્પાદન જેવા આઠ પાણીના વિટામિન્સથી બનેલું છે, જે આપણા શરીર માટે ખૂબ જ ફાયદાકારક છે. આ સિવાય આ વિટામિન શરીરના ઘાને મટાડવામાં મદદ કરે છે.
વિટામિન B9
આપણા હોઠ ફાટવાનું કારણ પણ વિટામિન B9 ની ઉણપનો સંકેત છે. આ વિટામિનને ફોલિક એસિડ પણ કહેવામાં આવે છે. આ વિટામિનની ઉણપથી વાળની સમસ્યા તેમજ ફાટેલા હોઠ અને શુષ્ક ત્વચા થઈ શકે છે. તેની ઉણપને કારણે તમારે લીવરની સમસ્યાનો સામનો પણ કરવો પડી શકે છે. હોઠને મુલાયમ બનાવવા માટે વિટામિન B9 નું સેવન કરવું જોઈએ.
વિટામિન B6
આ સિવાય વિટામિન B6 ની ઉણપ પણ આપણા શરીરને અનેક પ્રકારના નુકસાન પહોંચાડે છે. વિટામિન B6 ના સેવનથી ઊંઘ અને ભૂખમાં સુધારો કરી શકાય છે. આ વિટામિન ત્વચા માટે પણ મહત્વપૂર્ણ માનવામાં આવે છે. આપણા હોઠની ત્વચા ખૂબ જ નાજુક હોય છે, જેને વધારાના પોષણની જરૂર હોય છે. વિટામિન B6 હોઠને ફાટતા અટકાવે છે.
