- દાહોદ જીલ્લામાં અનેકવાર જોવા મળે છે દીપડો
- કોલેજની પાછળ દિપડો લટાર મારતો જોવાતાં પંથકમાં ફફડાટ
- દીપડાનો લટાર મારતો વિડીયો વાયરલ થતા ભયનો માહોલ
દાહોદ જિલ્લાના દેવગઢ બારીયા નગરમાં કોલેજની પાછળ એક દિપડો લટાર મારતો જોવાતાં પંથકમાં ફ્ફ્ડાટ ફેલાયો છે. સમગ્ર ઘટના કેમેરામાં કેદ થઈ જતાં અને વિડીયો સોશિયલ મીડીયામાં વાઈરલ થતાં લોકોમાં દિપડાની દેખાથી ભયનો માહોલ પણ જોવા મળ્યો હતો. દાહોદ જિલ્લાના ગ્રામીણ વિસ્તારો મોટા ભાગે વન્ય પ્રાણીઓ જોવા મળી રહ્યાં છે. ભુતકાળમાં દિપડા જેવા વન્ય પ્રાણીઓ દ્વારા માનવ જાત ઉપર હુમલો પણ કર્યોં હતો અને જેમાં કેટલાંક લોકો મોતને ભેટયાં હતાં તો કેટલાંક લોકોને ઈજાઓ પણ થવા પામી હતી ત્યારે ગતરોજ દેવગઢ બારીયા નગરમાં આવેલ એક કોલેજની પાછળ એક દિપડો જોવા મળતાં લોકોમાં ફફડાટ ફેલાઈ જવા પામ્યો છે.
દેવગઢ બારીયા ડુંગરાળ વિસ્તાર છે અને તેમાંય ખાસ કરીને દિપડા જેવા વન્ય પ્રાણીઓ વસવાટ કરે છે. હાલઉનાળાની કાળઝાળ ગરમીના કારણે વન્ય પ્રાણીઓ પણ પાણીની શોધમાં શહેર તરફ દિપડા જોવા મળી રહ્યાં છે. વન વિભાગ દ્વારા આ વન્ય પ્રાણીઓ માટે પાણીના અનેક જગ્યાએ હોજ (હવાડા) બનાવવામાં આવ્યાં છે. દેવગઢ બારીયા નગરની કોલેજની પાછળ દિપડો જોવાતાં ડિપડાનો વિડીયો કેમેરામાં કેદ થઈ જવા પામ્યો હતો અને સોશિયલ મીડીયામાં વાઈરલ પણ થવા પામ્યો હતો.
જુઓ વાયરલ વિડીયો…
