ધંધૂકાના રાયકામાંથી પસાર થતી લાઈનમાંથી રૂ. 7.97 લાખના વાયરોની ચોરી થઈ હતી
ધંધૂકાના રાયકા નજીક રેલવે લાઇન બાજુમાં પસાર થતી જેટકોની 400 કેવી હેવી વીજ લાઇનના રૂ. 7.97 લાખની કિંમતના 2170 મીટર વીજ વાયરો કાપી ચોરી જવાની ઘટનામાં પોલીસે જેટકો અધિકારી દ્વારા નોંધાવવામાં આવેલી ફરિયાદને આધારે એક ઈસમની અટકાયત કરી છે. તો પોલીસ આ ગુનામાં સામેલ અન્ય ત્રણ ઇસમોની શોધખોળમાં લાગી છે.
અમદાવાદ જિલ્લાના ધંધૂકાના રાયકાથી હરિપુરા તરફ્ જતી જેટકોની 400 કેવી હેવી લાઇનના વીજ વાયરોને કાપી ચોરી કરવાની ફ્રિાકમાં વાયરોનો જથ્થો આઈસર ટ્રકમાં ભરી આરોપીઓ ભાગી રહ્યા હતા. ત્યારે આઈસર ટ્રક કાદવમાં ફ્સાતા સમગ્ર ચોરીનો ભાંડો ફ્ૂટયો હતો. ઘટનાની જાણ થતાં ધંધૂકા પોલીસ, જેટકોના અધિકારીઓ ઘટના સ્થળે દોડી ગયા હતા. આ પ્રકરણે જેટકોના અધિકારીએ ધંધુકા પોલીસ મથકમાં ચાર આરોપીઓ સામે રૂ. 7.97 લાખનો વીજ વાયર ચોરી જવા સબબની ફરિયાદ નોંધાવી હતી. આ ગુના સંદર્ભે પોલીસે સાગરખા કેસરખા હોથ રહે. બુઢાણાં તા.શિહોરની અટકાયત કરી હતી. જ્યારે ગુનામાં સામેલ અન્ય ત્રણ ઈસમોની શોધખોળ શરૂ કરી હતી. જેટકોની લાઇનના વીજ વાયરો અગાઉ પણ ચોરી થયા હતા. જે અંગે પણ પોલીસ ફરિયાદ નોંધાઇ હતી.
સંડોવાયેલા આરોપીઓ
સાગરખા કેસરખા હોથ રહે બુઢાણા,તા.શિહોર (પકડાઈ ગયેલ છે)
એક અજાણ્યો ઇસમ વોન્ટેડ
મુસ્તાક બાબરા રહે. બાબરા જિ. અમરેલી (વોન્ટેડ)
અબ્દુલ કુર્દુશ રહે. ઉત્તરપ્રદેશ (વોન્ટેડ)
ગુનાની વિગત
જેટકોની 400 કેવી હેવી લાઇન
રાયકાથી હરિપુરા સુધીની વીજ લાઇન
2170 મીટર વાયરની ચોરી
ચોરાયેલા વાયરની કિંમત રૂ.7.97 લાખ
એક આઈસર ટ્રક એક આઈ-20 કાર
