અંકલેશ્વર GIDCમાં આવેલ એક કંપનીમાં આગ લાગવાની ઘટના બની છે. ફીનોર પીપલાજ કેમિકલ લિમિટેડમાં આગ લાગતા આસપાસના વિસ્તારમાં અફરાતફરીનો માહોલ જોવા મળ્યો હતો. અચાનક આગ લાગતા કંપનીમાં કામ કરતા લોકો જીવ બચાવવા માટે આમ તેમ ભાગ્યા હતા. બીજી તરફ આગ લાગ્યા અંગેનો કોલ મળતા જ ફાયર વિભાગની ટીમ યુદ્ધના ધોરણે ઘટના સ્થળે પહોંચી હતી અને આગ પર કાબૂ મેળવવા માટે પાણીનો મારો ચલાવ્યો હતો. દ્રશ્યોમાં જોઈ શકાય છે કે આગ લાગતા આસપાસના વિસ્તારમાં ધુમાડાના ગોટેગોટા જોવા મળી રહ્યા છે. તો આગને પગલે આસપાસમાં આવેલ અન્ય કંપનીઓમાં પણ ભયનો માહોલ જોવા મળ્યો હતો. મહત્વનું છે કે આગ કયા કારણોસર લાગી તે હજુ જાણી શકાયું નથી.
[ad_1]
Source link
