હાપા માર્કેટિંગ યાર્ડમાં 17000 ગુણી જીરુંની આવક – Hapa Marketing Yard Maximum Prices of Cumin

હાપા માર્કેટિંગ યાર્ડના સેક્રેટરી હિતેશ પટેલના જણાવ્યા અનુસાર ગત રાત્રીના 8:00 વાગ્યાથી સવારે 8:00 વાગ્યા સુધી જીરુંની આવક ખોલવામાં આવી હતી. જેના ભાગરૂપે ખેડૂતો જીરું વેચવા ઉમટી પડ્યા હતા. જીરુંના જથ્થા ભરેલા 250 વાહનો અને અંદાજિત 17,000 ગુણી જીરુંની આવક થઈ છે. આ જીરુંની આવક હાપા યાર્ડની અત્યાર સુધીના ઇતિહાસની સૌથી વધુ આવક ગણાય છે.

મહત્વનું છે કે ગત વર્ષની સરખામણીએ આ વર્ષે જીરુંની આવક ખૂબ ઓછી જણાઈ રહી છે કારણ કે ગત વર્ષે ફેબ્રુઆરી માર્ચથી સાત માર્ચ સુધીમાં જીરુંની આવક 1,46,520 મણ થઈ હતી અને જીરુંના ભાવ 3500 થી 6 હજાર રૂપિયા જેવા મળ્યા હતા. જ્યારે તેની સરખામણીએ આ વર્ષે ફેબ્રુઆરીથી લઈ 7 માર્ચ સુધીમાં 72,500 મણ જીરુંની આવક નોંધાય છે. જેના ભાવમાં ગત વર્ષ કરતાં 2000 રૂપિયા જેટલો ઘટાડો આવ્યો છે.

આ પણ વાંચો: કૂલર ખરીદવું છે? કન્ફ્યુઝન છો? જાણો ખરીદી માટેની બેસ્ટ ટીપ્સ

આ વર્ષે 2900 રૂપિયાથી લઈને 4180 રૂપિયા જેવા જ સરેરાશ ભાવ ખેડૂતોને મળી રહ્યા છે. આ વર્ષે જીરુંનો પાક તૈયાર હતો ત્યારે ઝાકળ આવતા જીરુંના પાકમાં નુકસાની જોવા મળી રહી છે. ગુણવત્તા સારી ન હોવાથી પાકના ભાવ ઘટી ગયા છે.