સાવરકુંડલામાં રસોઇમાં ઉપયોગી વાસણ સસ્તા મળે – Kitchen utensils available at cheap prices in Savarkundla

નગદીયા જય રાજેશભાઈએ જણાવ્યું કે તેઓએ બેચલર ઓફ એન્જિનિયરિંગ સુધી અભ્યાસ કર્યો છે અને તેમની વય 27 વર્ષ છે. તેઓએ ઉચ્ચ અભ્યાસ કર્યા બાદ, તેઓ પોતાના પિતા સાથે પરંપરાગત વ્યવસાયમાં જોડાયા હતા. નોકરીમાં જેટલા પૈસા મળતા નથી એટલા વ્યવસાયમાંથી મળે છે. હાલ, તેઓ લોખંડ ક્ષેત્રમાં આગળ વધી રહ્યા છે અને લોખંડમાંથી બનતી વસ્તુઓનું ઉત્પાદન કરે છે, જેનું વેચાણ પણ કરે છે.

જયભાઈએ વધુમાં જણાવ્યું કે નાવલી નદીના કિનારે તેમનો સ્ટોર આવેલો છે અને તેમના નિવાસસ્થાન વિસ્તારમાં લોખંડમાંથી વિવિધ વસ્તુઓ બનાવવામાં આવે છે. રસોડામાં ઉપયોગમાં લેવાતી તમામ વસ્તુઓ જેવી કે છરી, દસ્તા, ખાડણી, ઝારા, બકડિયા, તપેલા, ગેસ સ્ટવ વગેરે તૈયાર કરવામાં આવે છે. તેમની દુકાનમાં પાંચ રૂપિયાથી 500 રૂપિયા સુધીની રસોડામાં ઉપયોગી વસ્તુઓ મળી રહે છે, જેમાં સૌથી સસ્તી વસ્તુ પણ ઉપલબ્ધ છે.

જયભાઈએ વધુમાં જણાવ્યું કે સાવરકુંડલા અને અમરેલીમાં સૌથી સસ્તી રસોઈની વસ્તુઓ તેમના સ્ટોર પર ઉપલબ્ધ છે. તેનું મુખ્ય કારણ છે કે તેઓ જાતે મેન્યુફેક્ચરિંગ કરે છે, જેથી લોકો માટે આ વસ્તુઓ ઓછી કિંમતમાં મળે છે. રોજના 100 થી 150 લોકો તેમના સ્ટોર પર ખરીદી કરવા આવે છે. સસ્તી અને ગુણવત્તાયુક્ત વસ્તુઓ હોવાને કારણે લોકો આકર્ષાય છે. રોજના 7,000 થી 10,000 રૂપિયા સુધીનું વેચાણ થાય છે.