Parliament scuffle: ગુરુવારે સંસદ પરિસરમાં ભારે હોબાળો થયો જ્યારે ભાજપે રાહુલ ગાંધી પર સાંસદો સાથે ધક્કામુક્કી કરવાનો આરોપ લગાવ્યો. ધક્કામુક્કીમાં ભાજપના બે સાંસદ પ્રતાપ ચંદ્ર સારંગી અને મુકેશ રાજપૂત ઘાયલ થયા હતા અને તેમને હોસ્પિટલમાં દાખલ કરવામાં આવ્યા હતા. આ ઘટના બાદ બીજેપી રાહુલ ગાંધી અને કોંગ્રેસ પર પ્રહારો કરી રહી છે. જો કે રાહુલ ગાંધીએ આ આરોપોને નકારી કાઢ્યા છે. ત્યાં જ હવે બીજેપી સાંસદ અને અભિનેત્રી કંગના રનૌતે પણ કોંગ્રેસ પાર્ટી પર જોરદાર પ્રહારો કર્યા છે. કંગનાએ કોંગ્રેસના વલણને હિંસક અને ક્રૂર ગણાવ્યું છે.

હિંસા અને ક્રૂરતા સંસદ સુધી પહોંચી- કંગના

સંસદમાં ધક્કામુક્કીની ઘટના પર બીજેપી સાંસદ કંગના રનૌતે કહ્યું, “આ શરમજનક બાબત છે. અમારા એક સાંસદને ટાંકા આવ્યા છે. તેમને લોહી પણ નીકળ્યું છે. ડૉ. બી.આર. આંબેડકર અથવા બંધારણ વિશે તેઓએ (કોંગ્રેસ) જે અસત્ય ફેલાવ્યું છે. તેનો દરેક વખતે પર્દાફાશ થયો છે. પરંતુ હવે તેમની હિંસા અને ક્રૂરતા સંસદ સુધી પહોંચી ગઈ છે.

રાહુલ નજીક આવ્યા અને બૂમો પાડવા લાગ્યા – મહિલા સાંસદ

બીજી તરફ ભાજપના રાજ્યસભા સાંસદ ફાંગનોન કોન્યાકે પણ રાહુલ ગાંધી પર મોટો આરોપ લગાવ્યો છે. તેમણે કહ્યું, “વિપક્ષના નેતા રાહુલ ગાંધી નજીક આવ્યા. મને તે ગમ્યું નહીં અને બૂમો પાડવાનું શરૂ કર્યું. આજે જે પણ થયું તે ખૂબ જ દુઃખદ છે, એવું ન થવું જોઈએ… મેં સ્પીકરને પણ ફરિયાદ કરી છે.”

આ પણ વાંચો: ગુજરાતનું મસાલી ગામ બન્યું દેશનું પ્રથમ સરહદી સોલાર વિલેજ ગામ

આ ગુનાહિત વલણ – બાંસુરી સ્વરાજ

ત્યાં જ આ સમગ્ર ઘટના પર બીજેપીના અન્ય એક મહિલા સાંસદ બાંસુરી સ્વરાજે કહ્યું – “આ વલણ માત્ર અશિષ્ટ જ નહીં પણ ગુનાહિત પણ છે અને તેથી જ અમે બધા આજે અહીં (પોલીસ સ્ટેશન) આવ્યા છીએ અને ફરિયાદ નોંધાવી છે. જેમાં સ્પષ્ટપણે પરંતુ એવું કહેવાય છે કે સુરક્ષા દળોએ રાહુલ ગાંધીને વારંવાર વિનંતી કરી હતી કે તમારા માટે વૈકલ્પિક માર્ગ બનાવવામાં આવ્યો છે જેના દ્વારા તમે ખૂબ જ શાંતિપૂર્ણ રીતે સંસદમાં પ્રવેશી શકો પરંતુ રાહુલે વિનંતી ફગાવી દીધી… પોલીસે કેસ નોંધી લીધો છે.”