ગાંધીનગર: કોંગ્રેસના નેતા અમિત ચાવડાએ રાજ્યની ડબલ એન્જિન સરકાર પર ઓબીસી સમાજને અન્યાય કરવા અને સ્થાનિક સ્વરાજ્યની ચૂંટણીમાં વિલંબ કરવાનો આક્ષેપ કર્યો છે. તેમણે જણાવ્યું કે, “સુપ્રીમ કોર્ટના આદેશ અનુસાર સમર્પિત આયોગ રચવામાં આવ્યો હતો, જે 90 દિવસમાં રિપોર્ટ આપવા માટે દિશાનિર્દેશિત હતું, પણ 3 વખત મુદત વધારવા છતાં 10 મહિના પછી રિપોર્ટ સ્વીકારવામાં આવ્યો.”
અમિત ચાવડાએ કહ્યું કે, તેમની જાગૃતિથી ઓબીસી અનામતના બિલને વિધાનસભામાં રજૂ કરાયું, પરંતુ રિપોર્ટ જાહેર કરવામાં આવ્યો નથી. આ રિપોર્ટ પબ્લિક અને વિપક્ષને મળવો જોઈએ, જેથી ચર્ચા થઈ શકે. જો એક અઠવાડિયામાં રિપોર્ટ જાહેર નહીં થાય તો કોંગ્રેસ મુખ્યમંત્રી કાર્યાલય સામે ધરણાં કરશે.
સાયકલ કૌભાંડનો ખુલાસો
રાજ્ય સરકાર પર અમિત ચાવડાએ શિક્ષણ માટેની સરસ્વતી સાધના યોજના હેઠળ દીકરીઓને સાયકલ વહેંચવામાં થયેલા કૌભાંડના આક્ષેપ પણ લગાવ્યા. તેમણે કહ્યું કે ટેન્ડરમાં વિલંબ અને નિયમોમાં ફેરફાર કરીને નાણાકીય ગેરરીતિ કરવામાં આવી.
આ પણ વાંચો:
સુરતમાં છેડતીખોરને મેથીપાક: યુવતીઓએ જાહેરમાં બરોબરનો ધોયો, રોમિયોને છેડતી કરવી ભારે પડી
ચાવડાએ દાવો કર્યો કે રાજ્ય સરકારે બીજા રાજ્યો કરતાં ₹500 વધારે ખર્ચીને ઓછી ગુણવત્તાવાળી સાયકલો ખરીદી. તે ISI માર્ક વિના હોવાનું તેમણે ઉલ્લેખ કર્યું. આ સાયકલો ભારે પ્રભાવિત છે અને લાખો સાયકલો ભંગાર બની છે.
વધુમાં તેમણે આક્ષેપ કર્યો કે, “રાજ્યના મંત્રીઓ અને અધિકારીઓના ભ્રષ્ટાચારને કારણે ગરીબ દીકરીઓના ભવિષ્ય સાથે ચેડા થઈ રહ્યા છે.” 3 વર્ષથી 1.70 લાખથી વધુ સાયકલો દીકરીઓને મળી નથી, અને તેઓને ચાલીને જવું પડે છે.
માફિયા અને ગેરકાયદેસર પ્રવૃત્તિઓમાં વૃદ્ધિ
અમિત ચાવડાએ રાજ્યમાં દારૂ, ડ્રગ્સ અને જમીન માફિયાઓની બેફામ હરકત પર સરકારની નિષ્ફળતા પણ દર્શાવી. તેમણે ગૃહમંત્રીને મીડિયામાં બ્રાન્ડિંગમાં વ્યસ્ત હોવાનો આક્ષેપ કરીને કહ્યું કે ખરેખર મજબૂત કામગીરી કરવાની જરૂર છે.
ખ્યાતિ હોસ્પિટલ કૌભાંડ
અમિત ચાવડાએ વધુમાં કહ્યું કે ખ્યાતિ હોસ્પિટલમાં થયેલા કૌભાંડને સંપૂર્ણ રીતે તપાસવામાં આવ્યું નથી. 110 મોતના કેસ સામે મુખ્ય આરોપીઓ પકડાયા નથી.
આ પણ વાંચો:
સુરત: પતિએ કુહાડીના ઘા મારી કરી પત્નીની હત્યા, બાદમાં પોતે પાણીની ટાંકી પરથી કૂદી કર્યો આપઘાત
રોજગારી અને યુવાનોના પ્રશ્નો
યુવાનો માટેની નીતિઓ પર પણ તેમણે સરકારની નિષ્ફળતા તરફ અંગુલી નિર્દેશ કર્યો. 2 કરોડ નોકરીઓ આપવાના વચન કાગળ પર જ છે અને ગ્રામ પંચાયતોમાં વહીવટદારોના અભાવને કારણે પ્રજાને મુશ્કેલીઓનો સામનો કરવો પડી રહ્યો છે. મહત્વનું છે કે મુદ્દાઓ પર કોંગ્રેસે સરકારની ઘોર નિંદા કરી છે અને તમામ મુદ્દાઓ પર જોરદાર લડત આપવાનું જણાવ્યું છે.
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
