નવી દિલ્હીઃ ભારત અને પાકિસ્તાન વચ્ચે સૈન્ય સંઘર્ષ વધી ગયો છે, શું હવે યુદ્ધ થવાનું નક્કી છે, શું તેનાથી શેરબજારમાં હજુ આવશે ઘટાડો? કરોડો ભારતીય અને લાખો રોકાણકારોના મનમાં આ સવાલ ચાલી રહ્યા છે અને તેનો જવાબ શેરબજારના એક દિગ્ગજ રોકાણકારે આપ્યો છે. હેલિઓસ કેપિટલના સંસ્થાપક સમીર અરોડાએ કહ્યું કે, ભારત અને પાકિસ્તાનની વચ્ચે મોટાપાયે યુદ્ધની શક્યતા બહુ જ ઓછી છે અને તે માત્ર 1 ટકા છે. તેમણે કહ્યું કે, યુદ્ધ જેવી ઘટનાઓનો અંદાજ ન લગાવી શકાય. તેમણે જણાવ્યું કે, ભારત-પાકિસ્તાન તણાવની વચ્ચે ભારતની થીમ મજબૂત છે. સમીર અરોડાએ કહ્યું કે, તમારે તે વિશ્વાસ કરવો પડશે કે, સ્થિતિ જલદી નિયંત્રણમાં હશે.
