નર્મદા: નાંદોદના પોઇચા ગામની નર્મદા નદીમાં ન્હાવા આવેલા સુરતના પરિવાર સાથે મંગળવારે, 14મી મેના રોજ ગોઝારી દુર્ઘટના સર્જાઇ હતી. મંગળવારે નદીમાં નહાવા પડેલા એક જ પરિવારના ચાર સભ્યો સહિત નવ લોકો અચાનક જ ડૂબવા લાગ્યા હતા. આ ગોઝારી દુર્ઘટનામાં બે વ્યક્તિનો આબાદ બચાવ કરવામાં આવ્યો હતો. આ ઘટનામાં NDRFની ટીમની સતત ત્રીજા દિવસે પણ શોધખોળ ચાલી રહી છે. અત્યાર સુધી રેસ્ક્યૂ ટીમને ડૂબેલા સાત લોકોમાંથી ચાર મૃતદેહ મળી આવ્યા છે. જ્યારે અન્ય ત્રણ લોકોની તપાસ ચાલી રહી છે. તો બીજી બાજુ ડૂબેલા લોકોના પરિવારજોનની ધીરજ પણ ખૂટી રહી છે.
ત્રીજા દિવસે પણ શોધખોળ ચાલુ
મંગળવારે ઘટેલી આ ઘટનાને આજે ત્રીજો દિવસ થઇ ગયો છે. એનડીઆરએફની વિવિધ ટીમો આ ત્રણ દિવસથી આ ડૂબેલા લોકોને શોધી રહ્યા છે. આજે 15 વર્ષીય મૈત્ર ભરતભાઈ બલદાનિયાનો મૃતદેહ મળી આવ્યો છે. આ પહેલા અન્ય ત્રણ મૃતદેહ મળી આવ્યા છે. નોંધનીય છે કે, સુરતના સણિયા હેમાદ વિસ્તારમાં આવેલી ક્રિષ્નાપાર્ક સોસાયટીમાં રહેતા એક જ પરિવારના 17 લોકો પોઈચા નર્મદા નદી કિનારે નહાવા આવ્યા હતા.
આ પણ વાંચો:
આજે ક્યાં ક્યાં વરસાદની આગાહી છે જાણો
બે દિવસ પહેલા બની હતી ઘટના
મંગળવારે બપોરે 12 કલાકે ભરતભાઈ બલદાણીયા સહિત બીજા 8 વ્યક્તિ નર્મદામાં ન્હાવા ગયા હતા. પરિવારના સભ્યો ન્હાવાની મજા માણતા હતા ત્યારે ઉંડાણવાળી જગ્યાએ નવ સભ્યો અચાનક જ પાણીમાં ગરકાવ થવા લાગ્યા હતા. જેથી કાંઠે બેઠેલા પરિવારજનોએ બૂમાબૂમ કરી હતી. સ્થાનિક તરવૈયાઓએ બે વ્યક્તિને બચાવી લેવાયા હતા.
આ લોકો ડૂબ્યા હતા
ડૂબેલા વ્યક્તિઓમાં વરસલાહ મેવાભાઈ બલદાણીયા. (ઉ.વ. 45), આર્નવ ભરતભાઈ બલદાણીયા (ઉ.વ. 12), મૈત્રક્ષ ભરતભાઈ બલદાણીયા (ઉ.વ .15), વ્રજ હિંમતભાઈ બલદાણીયા (ઉ.વ.11), આર્યન રાજુભાઈ જીનીવા (ઉ.વ.7), ભાર્ગવ અશોકભાઈ હડિયા (ઉ.વ. 15), ભાવિક વલ્લભ ભાઈ હડીયા (ઉ.વ. 15)નો સમાવેશ થાય છે. જ્યારે મગનભાઈ નાનાભાઈ જીંજાળા અને કુસ્કી મગનભાઈ જીંજાળાનો બચાવ થયો છે.
આ પણ વાંચો:
સુરત પોલીસનો નવતર પ્રયોગ ગુનાખોરી રોકી શકશે?
નર્મદા નદીમાં ડૂબેલા ત્રણ લોકોની હજુ પણ તપાસ
અત્યાર સુધીમાં ચારના મૃતદેહ મળ્યા, ત્રણની શોધ#News18Gujarati #GujaratiNews #BREAKINGNEWS #NewsUpdate pic.twitter.com/EhsIwshJKQ— News18Gujarati (@News18Guj) May 16, 2024
એનડીઆરએફના અધિકારીઓએ આપેલી માહિતી પ્રમાણે, નદીમાં એક હજાર ફૂટ ઊંડાઈએ કામ કરી શકે તેવી વિઝીબિલિટીની ક્ષમતાવાળો કેમરાને નદીમાં ઉતારીને શોધખોળ હાથ આદરી છે. સતત ત્રણ દિવસથી આ તપાસ ચાલી રહી છે.
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
