જીરું પકવતા ખેડૂતોને લાગી શકે છે લોટરી, જામનગર યાર્ડમાં સતત વધી રહ્યા છે મણના ભાવ-income of cumin increase in Jamnagar Hapa market yard farmers getting good price of produce sk

છેલ્લા અઠવાડિયામાં જીરુંના ભાવમાં નોંધપાત્ર ઉતાર-ચઢાવ જોવા મળ્યો છે. ગત તા. 14ના રોજ જીરુંના ભાવ ₹3,300થી લઈને ₹3,970 સુધી બોલાવ્યા હતા. ત્યારબાદ 16 માર્ચના રોજ ₹3,750થી ₹4,015 અને 17ના રોજ ₹1,800થી ₹3,950ના ભાવે જીરું વેચાયું હતું.

તા. 18ના રોજ ભાવમાં મામૂલી વધારો નોંધાયો હતો, જ્યાં ₹2,000થી લઈને ₹4,020 જેવા જીરુંના ભાવ મળ્યા હતા. ત્યારબાદ તારીખ 19ના રોજ ₹2,600થી ₹3,980 રૂપિયાના ભાવે જીરું વેચાવ્યું હતું. ગત મંગળવારે જીરુંની સીઝનની સૌથી વધુ કહી શકાય તેવી 17 હજાર ગુણીની આવક નોંધાઈ હતી અને ભાવ ₹3,980 જેવો મળ્યો હતો, જેને લઇને ખેડૂતોમાં રોષ જોવા મળ્યો હતો. જોકે ત્યારબાદ ભાવમાં સુધારો થયો છે. ગઈકાલે તા. 20ના રોજ જીરુંના ₹2,300થી લઇ ₹4,125 રૂપિયા જેવો મણ દીઠ ભાવ મળ્યો હતો.

આજે પણ 3,642 ગુણી જીરુંની આવક નોંધાઈ હતી અને ભાવ વધારાનો સિલસિલો યથાવત રહ્યો હતો. આજે ₹2,600થી લઈને ₹4,300 જેવા જીરુંના ભાવ મળ્યા હતા. જામનગર માર્કેટિંગ યાર્ડમાં આજે 3,925 ગુણી જીરુ ઠલવાયું હતું.

આ પણ વાંચો: ફિલ્ટરનું પાણી સ્વાસ્થ્ય માટે કેટલું ફાયદાકારક? જાણો ડોક્ટરે શું કહ્યું

મહત્વનું છે કે, સરેરાશ ગત વર્ષની સરખામણીએ આ વર્ષે જીરુંના ભાવ ₹2,000 જેવા ઓછા મળી રહ્યા છે. પરંતુ હાલ છેલ્લા 3 દિવસથી જીરુંના ભાવમાં સતત વધારો થઈ રહ્યો છે, જેને લઈને ખેડૂતોમાં સારા ભાવની આશા બંધાઈ છે. ખેડૂતો આગામી સમયમાં પણ જીરુંના ભાવમાં વધારો થાય તેવી આશા વ્યક્ત કરી રહ્યા છે. આ વર્ષે ઝાકળને લીધે જીરુંના પાકમાં ગુણવત્તા ઘટી છે, જેના કારણે ભાવ પણ નીચા રહ્યા છે. જોકે, તાજેતરના ભાવ વધારાએ ખેડૂતોમાં આશાનું કિરણ જગાવ્યું છે.