Gujarat PSUs dene jaa rhi hai apne share holders ko yeh fayeda
Is policy ke tehat sabhi Gujarat ke State PSUs ke liye,
Ye tay kardia gya hai ki unhe kuch minimum dividend apne shareholder ko baatna hoga.
Iske ilava Bonus shares ko baantne aur shares buyback ke pravdhano ko par bhi manzoori de di gayi hai.
Gujarat State PSUs ke total 63 PSUs hai jinme se 7 PSUs share market me listed hai.
Jaise
Gujarat Agro Industries Corporation (GAIC)
Gujarat Co – operative Milk Marketing Federation yaani (AMUL)
Gujarat Informatics Limited (GIL)
Aur Sabhi 7 Listed PSUs profitable bhi hai.
Dividends ko lekar naye niyam ke mutaabik Minimum 30% of Net Profit or 5% of total net worth, is me jo bhi jyada hai, utna dividend shareholders baanta hi hoga.
Halanki policy ke tehat sirf minimum and maximum dividend hi declare honge.
Sabhi State PSU’s ko jitna bhi dividend baantna hai voh is range ke beech me hi tay hoga.
Dividends ke ilava Gujarat Sarkar ne do aur bade pravdhan tay kiye hai
Jisme se pehla hai shares ke buyback ko lekar
Gujrat Government ne ek limit fix ki hai jiske cross karne par companies ko apne shares ka buyback karna compulsory hoga.
Agar ek PSU ki networth 2000cr ya usse jyada hai aur saath hi uska cash balance kam se kam 1000 cr. Hai
toh un companies ko apne shares buyback karne padenge.
Doosra bada pravdhan hai Bonus shares aur stock split ka
Naye policy ke according
Agar kisi bhi state PSU ka Reserve and surplus yaani ki unka khud ka banaya hua paisa, unke share capital se 10 guna jyada hai ,
Toh un companies ko apne shareholders ko compulsory bonus baantna hoga.
Par saath hi sarkaar ne yeh bhi keh diya hai ki
agar kisi State PSU ka share price ya phir book value un companies ki khud ki value se 50 guna ho jaata hai toh
stock split karna hoga, agar shares ki abhi ki face value 1 Rupay se jyada hai.
Stock split yaani 1 share ke 2 ya usse jyada hisse bana diye jayenge.
Kotak bank ke MD Nilesh Shah Ne CNBC-18 ko diye hue interview me kaha “Gujarat Sarkar dwara uthaya gaya yeh kadam dividend ko equally distribute karne ki intention se laaya gya hai, taaki company ke minority shareholder ko spashtata mil sake ki company ka paisa kaha utilize ho rha hai”
Experts ka maanana hai ki ye kadam Dividend offer karke companies se paisa kamaane ka prayaas nazar aa rha hai, lekin long term me yeh shareholder ko value banakar dega.
Yeh bhi kehna hai ki companies short term me bade projects aur investments ka plan nahi bana sakti par unke paas pada hua excess paisa logo ko baant kar ache se utilize ho sakta hai.
Aapko kya lagta hai isse hamara sach me fayda hoga ya nuksaan? Comment kijiye aur ham aapko reply karenge.
#Amazon# Ecommerce# business# ONDC# zomato# swiggy # Food #Delivery #gujarat #StatePSU #PSU #shareholders #stock #policy #sharemarket #GAIC #AMUL #GIL #india #airrnews