અમદાવાદ જિલ્લા ગ્રામ્યના પોલીસ હેડ ક્વાર્ટર મકરબા ખાતે આજે ધોળકા ડિવિઝનમાં પકડાયેલા વિવિધ ગુનાઓના 226 વાહનોની જાહેર હરાજી યોજવામાં આવી હતી. આ તકે જિલ્લા પોલીસના અધિકારીઓ ઉપસ્થિત રહ્યા હતા. તો મોટી સંખ્યામાં હરાજીમાં ભાગ લેનાર વેપારીઓ પણ ઉપસ્થિત રહ્યા હતા. સંપૂર્ણ પારદર્શિતા સાથે આ હરાજી શરૂ કરવામાં આવી હતી. જેમાં 226 વાહનો માટે હરાજીમાં ભાગ લેનાર વેપારીઓએ રૂ. 4 લાખથી શરૂ કરી રૂ.12,54,000 સુધીની બોલી લગાવાઈ હતી.
