શાળાના આચાર્ય અને શિક્ષિકા વચ્ચે પ્રેમ સંબંધનો આક્ષેપ, ગ્રામજનો હંગામો – Allegations of love affair between school principal and teacher villagers uproar

સ્થાનિકોનો આક્ષેપ છે કે, ત્રણ વખત પ્રેમલીલાની બાબત સામે આવી છે. એમાં આચાર્યએ શિક્ષકને માર માર્યો હતો. જેના લીધે શિક્ષકનો હાથ ભાંગી ગયો હતો. શિક્ષકોની પ્રેમલીલાથી બાળકો પર ખોટી અસર પડે છે. સાથે જ ગ્રામજનો બે શિક્ષક અને એક શિક્ષિકાને શાળામાંથી ખસેડવાની માગ કરી રહ્યા છે.

આચાર્ય અને શિક્ષિકાએ આક્ષેપ ફગાવ્યા

ગ્રામજનોના આક્ષેપ ફગાવતા આચાર્યએ જણાવ્યું કે, કોઈ પ્રેમલીલા નથી. બીજી બાજુ, આચાર્યએ શિક્ષક પર શૈક્ષણિક કામગીરી ન કરવાનો આરોપ મૂક્યો છે.

બીજી તરફ જે શિક્ષિકા પર આક્ષેપ કરવામાં આવ્યા છે તેમણે જણાવ્યું કે, તમામ આક્ષેપ ખોટા છે. હું એમને રાખડી બાંધુ છું. અમારી વાત ખાલી રજાની હતી. બીજી કોઈ સમસ્યા નથી. નોંધનીય છે કે, શિક્ષિકાના પતિ પણ આ શાળામાં શિક્ષક તરીકે ફરજ બજાવે છે.